close
查某孫仔玉婷今仔日結婚
我感覺真歡喜，未輸家己佇嫁查某囝共款
玉婷是早產囡仔，出世的時我佇二兄的店裡鬥相共
會使講是我看伊大漢的，定定綴前綴後姑姑長姑姑短
甲我感情誠好，人問伊啥人的囝？
伊講爸爸媽媽和姑姑的囝，實在無白痛伊
欲轉去阿媽兜，一定是我有轉去，伊才欲轉去
有一擺用機車載伊欲轉去阿媽 in 兜
佇半路去予客運車挨著送去病院，我跤手擦傷，
毋擱我干焦煩惱玉婷有按怎否？
警察問我欲佮告否？我講只要玉婷無代誌就好
好佳在最後真正無代誌
時間過著誠緊，一目nih已經大漢
現在佇做醫檢師，擱揣到好姻緣
總算會當安慰二兄生前未完成的心願矣
阿母和阮大家﹝婆婆﹞共桌啉喜酒
全站熱搜
留言列表
