黑字﹝台語文﹞ 藍字﹝華語文﹞
禮拜日轉去南投庄腳看阿母﹝禮拜天回去南投鄉下看媽媽﹞
阮兜蹛佇廟邊，逐擺攏佮車停佇廟埕內底﹝我娘家在廟旁，每次都把車子停在廟埕裡﹞
今仔日轉來到廟埕口，一陣人佇遐擋咧，毋予阮入去﹝今天回到廟埕口，一堆人擋著不讓我們進去﹞
一捾炮仔對廟埕口排到廟前去﹝一串鞭炮從廟埕口排到廟前﹞
原來是等咧有人欲來進香﹝原來等一下有人要來進香﹞
莫怪地方上的有頭面的人攏佇遐迎接﹝難怪地方上的士紳都出來迎接﹞
阮只好佮車停較遠的所在，用行的進去﹝我們只好把車子停到較遠的地方，用走的進去﹞
二姐講：哇！人煞毋予恁入來﹝哇！被擋住，不讓你們進來﹞
我說：哪有？一大陣人排隊迎接阮，擱放炮仔呢。﹝哪有，一堆人列隊歡迎，還放鞭炮呢﹞
真正是“自我感覺良好”
放炮仔迎接阮﹝放鞭炮迎接我們﹞
細漢的時，廟裡鬧熱，阮攏會走去看﹝小時後，廟裏熱鬧時，我都會去看﹞
真久無看著獅陣弄獅﹝很久沒有看到舞龍舞獅了﹞
當然嘛要來去鬥鬧熱一下﹝當然也要來湊熱鬧囉﹞
擱有童乩起童﹝還有乩童起駕﹞
隔壁有人佇賣家己種的柚子、楊桃﹝鄰居在賣他們家自己種的柚子、楊桃﹞
香客一落車，就圍規堆佇買﹝香客一下車就圍一堆購買﹞
柚仔足大粒﹝柚子好大一顆﹞
叫阮阿母做一下仔摩豆﹝請媽媽客串一下模特兒﹞
有夠大否
喙剝遐開，毋驚等咧落下頦﹝嘴巴張那麼大，不怕下巴掉下來﹞
喙瀾水流落來了啦﹝垂涎欲滴﹞
逐擺中晝食飽了後，攏佇遐泡茶開講﹝每次中餐吃飽後，就在客廳泡茶聊天﹞
今仔日食晝飽，我招阿母和查某囝來去廟後行行咧﹝今天午餐後，邀阿母和女兒去廟後走一走﹞
哇！一坵茶園青蘢蘢足媠也﹝發現一片茶園綠油油的，很漂亮﹞
請入來泡茶﹝歡迎光臨，請進來泡茶﹞
欸！戇查某囝這毋是咱兜的呢﹝欸！傻女兒，這不是我們家的呀﹞
阿母講：這逐工攏嘛佇看，哪有啥麼好看﹝阿母說：每天都在看，有什麼好看的﹞
二姐講：都市俗。﹝都市姥﹞
二姐in兜有茶園，摳草沃肥，可能做佮驚著矣﹝二姐家有茶園，鋤草施肥 可能做到怕了﹞
隨在恁講，我就感覺看著足媠也﹝隨他們講，我就覺得很漂亮﹞
另外一坵旺萊園﹝另外一片鳳梨園﹞
規坵生佮全旺萊﹝整片每一棵都有生鳳梨﹞
毋過猶未熟，未使食哩﹝不過還未成熟，還不能吃﹞
沿路有真濟花，可能空氣好，日頭足﹝沿路有很多花，可能是空氣好日照足﹞
所以攏開佮足媠也﹝所以都開的很漂亮﹞
園邊擱種真濟果子和蔬菜﹝茶園邊還種很多水果和蔬菜﹞
我一項一項考阮查某囝﹝我一樣一樣考女兒﹞
除了木瓜，旺萊，因為有看到果子生佇上頭，伊才捌﹝除了木瓜和鳳梨有看到果實才認識﹞
賰的十項毋對九項﹝其他十項答錯九項﹞
龍眼葉和荔枝葉生做足共款，伊就分未清﹝龍眼葉和荔枝葉漲得很像，他說哪有不一樣﹞
其他薑的葉仔、山藥葉仔、皇帝豆葉仔和豆莢、番薯葉、、、
在伊來講攏是足奇巧的物件﹝在他來講都是很神奇的東西﹞
葡萄柚
行啊行，行對人的莊頭入去﹝走啊走，走到村莊裡去﹞
發現一岴擱較媠的茶園﹝發現一片更漂亮的茶園﹞
雖然無八卦茶園遐呢闊﹝雖然沒有八卦茶園那麼大﹞
在我的目睭裡，就親像一 幅圖共款遐呢媠！ ﹝在我的眼哩，就像一幅畫那麼美﹞
感謝劉志祥老師贈詩回應
厝邊茶園青蘢蘢
親像誠濟大尾龍
排隊整齊聽命令
予人看著心頭清
留言列表
