老玫的部落格

無德就無恥，心有道德，才是學問

        我欲參加台語演講比賽，拜託阿母替我寫演講稿，阿母問我啥麼題目？我佮講“講未出嘴的艱苦”，阿母隨應講：「你無煩無腦，食佮若阿不倒，哪有啥麼講未出口的艱苦。」想想咧，嘛有影呢，自細漢到今〈dann〉食好做輕可，除了有當時仔和阿姐“犀牛仔照角”以外，真正想未出有啥麼艱苦的代誌。

    逐擺考試煞，若考無好，我著會講：「欲知考試前就較認真咧，即馬嘛袂考這bai2。阿母講：「欲知欲知早就好額矣。」

高中生活的艱苦佮快樂     

        我感覺上歡喜的代誌就是圍爐。是按怎講咧？阮兜樓腳佇做生意，灶腳佇三樓，平常時阿媽佮飯煮好了後，阿爸、阿母、阿叔、阿嬸，因就輪流去樓頂食飯，因為店口要有人顧，所以就無法度坐同桌食飯；阮這些的囡仔，嘛是共款，放學了後，先轉來的先食，食飽要補習的去補習，阿姐讀大學去住學寮，嘛是罕哩同齊食飯，只有圍爐這工，才有機會規傢伙仔做伙食飯。

        家己種一叢，較贏看別人，這句話的意思是講，咱逐項代誌要靠自己打拼，努力，增加家己的實力，也就是華語講的要有 「兩把刷子」，毋通想欲靠別人，向望別人來佮你鬥相共，人講：靠山山會崩，靠人人會倒，靠家己上好。家己若有二步七丫，自然人就會予你機會，機會若來，只要腳踏實地，一步一腳印，將來一定有好的前途佮未來。